Nongstoin, Jylliew 06 : Ki Pulit ka Nongstoin bad ka ANTF, hynnin ka miet kila ioh ban kem ia uwei u snar nongkhaii droks ha Nongstoin, West Khasi Hills, ban ioh kurup ia u heroin uba kjia aduh 7.79 gram.
Une u snar u kyrteng u Teiborlin Mawlot ba 37 snem ka rta uba dei na ka shnong Mawkaton bad uba shongwai ha Themiew Nongstoin.
Ki Pulit kila suba la slem ia une u briew ba u dei u nongkhaii droks bad kila pynlong ia ka jingbuddien. Halor ka jingioh jingtip ba une u briew ula leit jingleit da kawei ka kali kamai ML06-8004, ki Pulit bad ANTF kila pynap shrip ha ka surok Nongstoin-Shillong mar pyrshah ka petrol pump Indian Oil, New Nongstoin.
Ki iathuh ba ka kynhun kala bat ia kane ka kali ha ka jingiadonlang ki nongai sakhi shimet bad ha ka jingtalasi ia ka met jong u, la ioh ban kurup haduh 21 tylli ki bilor rit bat hep droks, kawei ka mobile phone, ka pisa T.500 bad ka lut T.10.
Ia une u briew la kit noh sha Nongstoin Police Station bad la register case hapoh ka NDPS Act.
