Shah kem u runar ba pynibor ha Jaiaw Langsning

Date:

Share post:

Shillong, Naitung 05: Ki Pulit ka Lumdiengjri Police Station kila ioh ban kem ia uwei u runar uba donkti ban shoh ia uwei u samla ha lad Jaiaw Langsning marjan ka Rani Motor.

Kane ka jingjia kala jia ha ka 3 tarik Naitung ha ka por 2 baje eiei, ong u Superintendent of Police ka East Khasi Hills uba iathuh ba une u runar ula thombor ia une u samla uba la pyrshang ban tehlakam ia une u runar uba thmu ban rung jubor ha ka Iingsah jong ka Kmienah jong u.

Une u Heh Pulit u iathuh ba une u runar ba kyrteng u Banpyrkhat Lyngdoh Nonglait, ula pyrshang ban rung ha kane ka Iing da ka jingmut kaba sniew hynrei uwei u samla uba kyrteng u Samla Leo Donborlang Sun ula hylla bad beh ia une u runar kaba lam sha ka jingiapynibor.

Ha kane ka jingiapyni bor, u Leo Donborlang ula shah shoh bad mynsaw .

Ka hynmen jong une u samla Leo Donborlang kila leit mih ha Lumdiengjri Police Station ha ka 4 tarik Naitung bad ujor da ka ejahar halor kane ka jingjia.

Ki pulit kila register case halor kane ka jingjia hapoh ka kyndon 506/325 IPC bad hynne ka sngi ba-ar kila ioh ban kem noh ia u Banpyrkhat na ka thain Police Bazaar ha ka por 12.30 baje janmiet.

Ia une u runar la ialam noh sha Iingkashari ban tian bishar ia u kat kum ki kyndon bala pynngat.

Share post:

spot_img

Popular

More like this
Related

Kem ki Pulit ia 5 ngut ki riewkiengatiar ba rah pistol Russia na Mawsynram

Kurup ia ka ID ka seng National Hynniewtrep People...

Elekshon KHADC | “Ngan ym kular thok I’u paidbah” ong u kyrtong ka NPP ka Langkyrdem

Shillong, Rymphang 09 : U kyrtong ka NPP na...

Manipur CM N. Biren Singh resigns amid political turmoil and Supreme Court probe

GUWAHATI, Feb 9: In a dramatic political development, Manipur...

Manipur | Hiar shuki u Biren Singh kum u CM hapdeng ki jingjia umsnam bad jingtohkit ka SC

Guwahati, Rymphang 09: U Nongthombam Biren Singh ula hiar...