Tura, Jylliew 15 : Ki Pulit ka Tura hynne ka janmiet sngi Palei kila kem ia uwei u nongtrei ka Meghalaya Board of School Education halor ka jingsuba ba u khaii droks bad ioh kurup ruh ia bun tylli u dawai kuli na u ha ka jingkhynra ia ka Iingsah.
Ka kynhun na ka Anti Narcotics Task Force kila pynlong ia ka jingkhynra ha ka dong Daldagre, Tura bad ioh kem ia u Omarius D Sangma (36 snem) uba trei kum u peon ha MBoSE.
Ka kynhun kala ioh ban kurup ia 30 strip u dawai Pyeevan Sas plus uba don haduh 719 tylli ki dawai kuli.
Ki Pulit ki ong ba une u briew u dei uba nongkhaii droks ha hakhmat eh ban pyniaid iew ia u droks ha sor Tura.
Ia kine ki briew la register case ha Tura Police Station bad ka jingtohkit kala iaid shakhmat mynta.
