Shillong, Nailar 07 : Ki Pulit ka Ri-Bhoi District, ha ka sngi Palei, kila ioh kem ia uwei u nongkhaii droks ba na Assam bad ioh kurup ia u droks ba khia 49.44 gram, uba shongdor haduh T.3.5 lak.
Une u nongkhaii droks u kyrteng u Sirajul Haque (36) ba na Barpeta, Assam. Ki Pulit kila ioh kem ia u na Nongpoh bad ioh kurup ia u droks bala thep ha ki 5 tylli ki synduk sabon.
Ki Pulit kila kurup ruh ia kawei ka scooty ML10-C-4833, kawei ka mobile phone bad kawei ka plan a une u briew.
Ki Pulit ka District kila kem ruh ia arngut ki briew-u Franky Marsing ba 27 snem bad u Shan Sylliang ba 24 snem, kiba dei na Nongpoh bad Byrnihat namar ka jingpyrshang ban phah ia ka song ganja ba 2.047 kilo lyngba ki courier sha Chennai.
Ia une u ganja la ioh kurup na ka kali kaba don u nombor ML10-C-3646.
Ia kine baroh artylli ki case la register hapoh ka NDPS Act bad ka jingtohkit mynta kala iaid shakhmat.
