Shillong, Naitung 09 : Ki Pulit ka Khliehriat, ha ka sngi Thohdieng, kila ioh ban kem ia uwei u nongkhaii drok bad ioh kurup ia u heroin na kawei ka shnong ha East Jaintia Hills.
Halor ki jingtip ba thikna, ki Pulit kila ioh bat ia uwei u samla 23 snem ba kyrteng u Kheinkor Muliar ba ju khot sin u Khein, uba niah ia ka kali Alto ML06-A-0621, nahan ka shnong Mookympad.
Ha ka jingtalasi ia ka kali hapdeng ka jingiadonlang ki nongsakhi shimet, ki Pulit kila ioh kurup ia u heroin uba khia 1.37 gram, u thirnia injek bad kiwei kiwei ki mar.
Ia u Khein la kem noh da ki Pulit bad la pynngat ia u hapoh ki kyndon ka Narcotic Drugs and Psychotropic Substances (NDPS) Act. Ka jingtohkit mynta kala iaid shakhmat.
