Shillong, K’lyngkot 02 : Uwei u briew ula shah kem halor ka jingdonkti ha ka kam wiang ding bad pynjulor ia saw tylli ki kali arshaka ha Jhalupara.
Kane ka jingjia kala jia ha ka 28 tarik Nohprah 2023 ha phyllaw jong ka House No 70 JB. Contonment, Jhalupara.
Saw tylli ki scooty ba don u nombor ML-05-A-2201, ML-05-R-1523, ML-10-A-3806, ML-05-N-7063 kiba pynieng ha kane ka phyllaw, kila shah wiang ding.
Ki trai jong kine ki scooty kila ujor da ka ejahar halor kane ka jingjia bad ki Pulit kila register case pyrshah ia ka.
“Ha ka jingtohkit, ngi la lah ban ithuh bad kem ia uwei u briew uba donkti ha kane ka kam wiang ding ba pynjulor ia ki kali arshaka bad ki dukan ba marjan” ong u Bah S Nongtnger, Superintendent of Police ka East Khasi Hills ha ka kyrwoh ba pyllait hynne ka sngi Ba-ar.
“Hadien ka jingthwet kaba jur, la kem ia u bad set hapoh ka police custody. Ka jingtohkit kala iaid shaid shaid ban ioh chargesheet kloi” ula ong.
