Shillong, Naitung 11: Ki Pulit ka East Khasi Hills hynne ka miet sngi Ba-ar, kila kem ia uwei briew uba donkti ban kawang maw iaka ingsah jong ka Myntri sorkar kong Ampareen Lyngdoh kaba dei ruh ka MLA ka East Shillong constituency.
La iathuh ba kane ka jingjia kala jia haka por 7 baje tam mynniet ha kaba ki briew kiba don hapoh ka iingsah jong ka kong Ampareen Lyngdoh, kaba don ha Laitumkhrah, kila ioh sngew iaka jingsawa ki maw ba dei ia ka Iing bad hadien bala leit shabar, kila lap kumba 4-5 tylli ki maw ha phyllaw ing.
La iathuh ruh ba une u briew nalor ba u wan kawang maw, ula rah ruh daka Wait bad hylla daki kyntien byrthen pyniap briew.
Halor kane, u Superintendent of Police (SP) ka East Khasi Hills bah Sylvester Nongtynger ula iathuh ba ki Pulit kila Register Case pyrshah ia une u briew bad ka jingtohkit mynta kala iaid shakhmat.
Une u briew u dei uba la tip kyrteng u Teibor Lyting bala 46 snem ka rta bad u dei u nongshongshnong ka Malki.
U bah Sylvester u iathuh ba ia une u briew la ioh bat da ki rangbah ba don hapoh ka Iingsah ka Myntri Sorkar bad kila aiti noh sha ki bor Pulit.
“Ki Pulit kila register Case pyrshah ia une u briew bad kin hap ban eksamin, la une u briew u don jingduna ne em” la ong u bah Sylvester.
