Shillong, Risaw 15: Ki Pulit ka Anti Narcotics Task Force (ANTF) ka East Jaintia Hills District, kila ioh ban kem ia arngut ki snar jong ka kynhun khaii droks na kawei ka Jylla sha kawei pat, ha ka jingtalasi kali ha ka thain Lumshnong, East Jaintia Hills.
Ka ANTF kala pynlong ia ka jingkhynra ha ka 14 tarik Risaw halor ka jingioh ia ka khubor ba thikna ia ka jingdon ki briew kiba wan da ka kali na Silchar, Assam, bala suba jur ba kit droks.
Haba shimkhia ia kane ka jingioh khubor, ka kynhun ki Pulit ka Umkiang, kala buh ia ka jaka talasi kali ha Umkiang bad kila ioh kem ia u Abdul Rob Laskar ba ju khot sin u Munna (22) uba dei na Kabuganj, Silchar, Assam.
Da ka jingiarap ka ANTF, Meghalaya, kila ioh ban kem biang sa uwei u snar nongkhaii droks bala kem bunsiein, uba kyrteng u Asif Wahlang ba sah ha Hari Sabha, Laban, Shillong.
Ka ANTF kala ioh kurup haduh 5 tylli ki synduk sabon ba thep ia u droks ba 60 gram kawei, nalor ka kali Hyundai Venue AS01-EJ-8977 na kine ki arngut.
Ka ANTF kala register ia kane ka case ha Lumshnong Police Station hapoh ki kyndon ka NDPS Act bad ka jingtohkit mynta kala iaid shaid shaid.
 ka East Jaintia Hills District, kila ioh ban kem ia arngut ki snar jong ka kynhun khaii droks na kawei ka Jylla sha kawei pat, ha ka jingtalasi kali ha ka thain Lumshnong, East Jaintia Hills.){kind=link}