Shillong, Naitung 10: Ha ka 08 tarik Naitung, halor ka khubor bala ai da ki shipai Border Security Force (BSF), ki Pulit ka Jylla kila ioh ban pynpulom ia ka jingwan rung tuh ki nong Bangladesh sha Jylla.
Ki Pulit kila ioh ban bat ia kawei ka kali na Mawlai Bypass bad ha ka jingtalasi, la lap ba 2 ngut ki dei ki nong Bangladesh bala iarap pynrung tuh da ki arngut ki nong India ban jam sha shiliang u pud na Bangladesh.
Ki Pulit kila kem ia baroh saw ngut ki briew ban pynlong ia ka jingtohkit bad tian bishar ia ki kat kum ka ain.
Ka jingïatreilang kaba bteng hapdeng ki BSF bad ki Pulit ka Meghalaya ka long kaba kongsan ha ka ban ïakhun pyrshah ïa ki kam runar kiba jam na shiliang sha shiliang pud bad ban khanglad ïa ki jingwan rung tuh ki nong Bangladesh shapoh ka Jylla.
