Shillong, Jylliew 18: Ki Pulit Special Cell ka East Khasi Hills District hynne ka sngi Ba-ar, kila ioh kem ia kawei ka kynthei ba khaii droks bad ioh kurup ia bun bah ki dawai kuli Yaba Tablets na IGP Shillong.
Halor ki jingioh khubor kaba bniah, ki Pulit kila pynap shrip ia kane ka briew bad kila ioh bat ia ka na kawei ka taxi kamai.
Na kane ka briew, ki Pulit kila ioh ban kurup haduh 1776 tylli ki dawai kuli Yaba. La pyntip ba kane ka briew kala kiew kali najan ka khyrdop ka Shillong Civil Hospital da ka jingthmu ban hiar sha Khyndailad.
Ia kane ka briew la register case hapoh Sadar Police Station hapoh ki kyndon NDPS Act. Ka jingtohkit mynta kala iaid shakhmat.
