Shillong, Nailur 20: Kawei ka Khynnah kaba dang samla lud ryngkat bad uwei u samla shynrang kila shah kem halor ka jingbret ia i khunlung ba dang shu kha haka trok bret niut ha Mawpat, Shillong.
Ia ka metiap jong itei i khunlung la lap na kawei ka trok kit niut ha ka sngi Ba-ar, hynrei hapdeng jong ka jingtohkit, la kem noh ia ka kmie bad ia u kpa jong itei i khunlung ha ka sngi Balang.
Ka kmie jong itei i khunlung kadei kaba dang don hapoh jongka 18 snem ka rta bad ki shong bad sahwai ha kawei ka iing ha Mawpat, katba u kpa jong itei i khunlung udei na ka shnong Rymbai hynrei u shu wan trei wan ktah ha Mawpat.
Hadien ka khubor jong ka jinglap ia i khunlung ba dang shu kha kala saphriang, ka kmie jong ine i khunlung da ka jingsngewsih bad jingsngewthuh ia ka jingleh bakla ka jong ka, kala leit ban phla ha ki Trai ïing, ha kaba kila pyntip kylla sha ka Dorbar Shnong.
Ka Dorbar Shnong ryngkat bad u Rangbah Shnong, kila aiti noh ia kitei ki ar ngut sha ki pulit ba kin pynlong ia ka jingtohkit.
