Nongstoin, Rymphang 02 : Ki Pulit ka West Khasi Hills, kila kem ia uwei u briew uba pyniap iala ka jong ka kurim barim ha ka shnong Tiehsaw, West Khasi Hills.
Kat kum ka khubor Pulit, une u briew ba leh ia kane ka kam pyntriem u kyrteng u Biangkupar Nongsiej uba dei na Lawse, West Khasi Hills.
Ki Pulit ki iathuh ba une u briew ula pom da ka wait naka khlieh ia kane ka Longkmie kaba dei ka lok barim jong u kaba tip kyrteng ka kong Wansaralin Wanniang ba 26 snem ka rta.
Ki Pulit kila ai khublei ia ki paidbah nongshongshnong bad ki bahaiing hasem kiba la iarap ia ki Pulit ban iohkem ia une u briew. Ka jingtohkit ia une u briew kala iiad shakhmat.
