Shillong, Rymphang 06 : Ki Pulit kila ioh ban kem ia arngut ki nongkhaii droks bad ioh kurup haduh 55.60 gram u drok heroin na View Point, Mawlai Mawiong hynne ka sngi nyngkong.
Na kine ki arngut ki briew, ki pulit kila ioh kurup ia 4 tylli ki synduk thep sabon ba don u heroin ba 5.35 gram lem bad artylli ki klong ring ba don u heroin 0.25 gram, artylli ki mobile, uwei u thyrnia bad ka pisa ba T. 63,150.
Ki Pulit kila kurup ruh ia kawei ka Chevrolet Beat ML05-J-5387 ba pyndonkam da kine ki briew.
Ia kine ki briew la register case hapoh ka ain NDPS bad ka jingtohkit mynta kala iaid shakhmat.
