Nongpoh, Iaiong 05: Ki Pulit ka Jorabat hynnin ka sngi, kila ioh kem ia lai ngut ki snar nongtuh thuk thuk bad ioh kurup ruh haduh 2 tylli ki thuk thuk pulsar kaba ki dang shu dep tuh.
Kine ki lai ngut ki kyrteng u Sonrag Sangma, u Jameson Marak bad u Mukesh Sangma. Ki thuk thuk ba ioh kurup ki don u nombor AS-14H-6452 bad AS-02AF-0667.
Kine ki artylli ki thuk thuk ki dei kiba la tuh na ka thain Byrnihat. Ka jingtohkit mynta kala iaid shakhmat ban lapdien ia ka jingdonkti jong kiwei pat ki runar.
Ha kajuh ka por, ki Pulit ka Jorabat kila ioh ban kem ia uwei u snar nongkhaii ganja na ki thain 8 mer bad ioh kurup ia une u jingdih pynbuaid ba khia haduh 21 kg uba thmu ban pyniaid iew ha Khanapara.
Une u nongkhaii u kyrteng u Bindeshwar Rai bala 65 snem ka rta, uba dei na Mukundpur Garahi, kaba hap hapoh ka Vaishali District. Nalor u ganja, ki Pulit kila ioh kurup ban kurup ia ka pisa ba T. 63,300 na une u briew.
Ia une u briew la register case hapoh ki kyndon ka NDPS act.
