Shillong, Rymphang 13 : Ki Pulit ka Jylla kila ioh ban kem ia lai ngut ki suba nongtuh thuk thuk hadien ka jingioh bat da ki paid nongshongshnong ha Umthli, kaba hap ha Pynursla Police Station, hynne ka sngi Thohdieng.
Kine ki briew ki kyrteng u Pyndapborlang Khonglah, Bamkerlang Surong bad u Iohborlang Mylliem Umlong, ong u Superintendent of Police ka East Khasi Hills ha ka kyrwoh.
Kane ka jingioh kem kala wan hadien ka jingujor jong u Rahul Thapa, uba pyntip ba ka thuk thuk jong u (ML05-AC-4622, YAMAHA MT 15) kala shah tuh na ka jaka pynieng kali ka Goenka.
Ia kane ka case la register hapoh ka Sadar Police Station hapoh ka kyndon 305 (b) BNS.
Ki Pulit kila ioh ruh ban kurup ia ka kali Hyundai i10 ba don u nombor ML05-Z-5650, ka Maruti Alto 800 ba don u nombor ML)5-N-4146, kawei ka mobile phone Vivo, kawei ka mobile phone Samsung, bad kawei ka mobile phone Poco na ka met jong ki.
Ka jingtohkit mynta ka dang iaid shakhmat ban lap ia ka jingdonkti ha kiwei pat ki kam tuh kali arshaka, ong u SP.
