Shillong, K’Lyngkot 07: Ki Pulit ka East Jaintia Hills hynne ka sngi kila kem noh ia 2 ngut kiba la suba pyniap ia uwei u briew hapoh ka shnong Jalaphet Bri-Sumer East Jaintia Hills ha ka 6 tarik mynta u bnai.
U Superintendent of Police (SP) u pyntip ba ha ka 6 tarik mynta u bnai la ioh jingtip ba uwei u briew ba tip kyrteng kum u Raju Yndoh, ula shah pyniap dusmon hapoh ka shnong Jalaphet Bri-Sumer haka por ba u dang wanphai daka kali na Jalaphet ryngkat bad 2 ngut ki briew ki ba dei ruh shi ba ha ïng.
Halor kane, ki Pulit ka Umpleng OP kila leit sha kane ka jaka bad la lap ia ka met iap jong u bah Raju Yndoh ba la thiah ha rud surok bad hadien ka jingwad bniah, ki Pulit ki la lap ruh kawei ka wait kaba la kdiah arliang na jan kane ka met iap.
Haba sdang ka jingtohkit ki pulit kila khot hajir ia u Donbor Yndoh bad hapdeng ka jingtohkit la lap ba ki jain bad ka juti jong une u briew ki bit snam bad naka liang ki Pulit hadien ba la suba kila kem lang ia u Janki Yndoh bad la rah iaki sha Khliehriat PS naka bynta ban tohkit.
Hapdeng ka jingtohkit, kine arngut kata u Donbor Yndoh bad u Janki Yndoh kila phla ba kila donkti ban pyniap ia u Raju Yndoh bad naka liang ki pulit kila kem noh ia baroh 2 ngut bad la Register Case hapoh ka Saipung PS naka bynta ban leh iaka ba donkam.
