Jowai, Nailur 19 : Ki Pulit ka Jowai Police Station, hynnin ka miet sngi Balang, kila ioh kem ia 2 ngut ki suba nongkhaii droks bad kurup haduh 5.1 gram u heroin nalor ka pisa ba bun phew hajar.
Ia kine ki arngut la ioh kem ha ka por 7:30 baje mynmiet ha ka jingiaid pahara miet hapoh ka thain ba marjan ka Thomas Jones College.
Ki Pulit kila ishankhmat ia ka rukom iaid ba ipher bha jong kine ki arngut bad kila bat ban kylli jingkylli bad ban talasi. Ha ka jingtalasi, ki ioh kurup ia u droks heroin ba 5.1 gram lem bad ka pisa kaba kot haduh 31730 tyngka.
Kine ki arngut ki kyrteng u Sdangki Myrphet ba 35 snem bad u Wandao Bareh ba 42 snem, kiba dei na Panaliar.
Ia kine ki arngut la kit noh sha Jowai Police Station bad la register case pyrshah ia ki hapoh ki kyndon ka NDPS Act.
