Shillong, Naiwieng 12: Ki pulit Anti- Narcotic Task Force (ANTF) ki la ioh ban kem ia 2 ngut ki nongkhaii drok ha ka miet 10 tarik Naiwieng na ka thain Mawlai bad ioh kurup drok bad ki mar beain.
Kine kiba shah kem ki kynthup u Ajay Kumar Rai bad u Gulshan Singh.
Hadien ka jingioh khubor ba thikna, ki Pulit ANTF kila pynlong ka jingap shrip ha ISBT Junction Mawiong bad kila pynsangeh ia kawei ka thuk thuk kaba don ia u number ML 05AE4379 kaba wan na Guwahati bad thmu kiew sha sor Shillong. Ia kane ka thuk thuk la niah da u Ajay Kumar Rai.
“Ha ka jingtalasi ngi la lap ia kawei ka synduk sabon kaba don ia u drok ba la suba dei u heroine na u Gulshan Singh bad 39 tylli ki dawai kuli Nitrazepam Tablets na u Ajit Kumar Rai. Hadien ba eksamin bha la pynshisha ba dei heroine ba khia 17.22 grams” la ong ki Pulit.
La kem ia baroh 2 ngut bad la register case hapoh ki kyndon NDPS.
 ki la ioh ban kem ia 2 ngut ki nongkhaii drok ha ka miet 10 tarik Naiwieng na ka thain Mawlai bad ioh kurup drok bad ki mar beain.){kind=link}