Shillong, Rymphang 12: Ha ka jingkhynra kaba jop, ki shipai Border Security Force (BSF) Meghalaya ki la ioh kem ia 2 ki nong Bangladesh (1 shynrang bad 1 kynthei), ryngkat bad 2 ngut ki nong India, katba ki dang pyrshang ban prong tuh sha u pud u sam ka East Jaintia Hills district.
Hadien bala ioh jingtip, ki shipai BSF 172 Bn ki la khynra ha ka thain khappud jong ka Rattachera, kaba la pynlong ia ki ban ioh bat ia kine ki briew kiba jam ia u pud sha Meghalaya.
Kine ki briew kiba la shah kem ki dei na Dhaka, Bangladesh bad la kem ia ki na kawei ka kali Maruti Alto kaba don ia u number AS 01 AG 3395.
Ia kine ki nong Bangladesh ryngkat bad ka kali ba la kurup la aiti noh sha ki pulit ka Umkiang Police Station ban leh ia kaba donkam katkum ka ain.
