Shillong, Nailar 11 : Ki shipai BSF ha ryngkat ki Pulit, kila ioh ban kem ia 7 ngut ki nong Bangladesh lem bad arngut ki nong India kiba iarap pynrung ia kine ki bar ri na khappud ka East Khasi Hills.
Ia kine ki briew la ioh ban bat ha ka sngi Saitjain na ka khyrdop talasi kaba don ha Pynursla, East Khasi Hills, ong ka kyrwoh na ki BSF.
Namar ka jingsniew ka jinglong jingman ka suk ka sain ha Bangladsh, ki shipai BSF ka Meghalaya kila pynkhlain bha ia ka rukom pahara ha khappud ka Bangladesh da kaba shim ia bun ki buit ban tehlakam ia ka jing rung tuh shapoh u pud u sam ka Ri.
Ia kine ki nong Bangladesh bad ki nong India la aiti noh sha ki Pulit ka Pynursla ba kin leh ia kaba donkam kat kum ka lynti jong ka ain.
