Shillong, Naitung 15: Ki shipai Border Security Force (BSF) kila ioh kem 26 ngut ki nong Bangladesh bad 4 ngut ki nong India kiba iarap ban pynrung tuh shapoh ka Jylla lyngba ki thain khappud ka West Garo Hills District.
Ka kyrwoh naki shipai BSF ka iathuh ba hadien ka jingioh ia ki khubor ba thikna, ki shipai 22 Bn BSF Meghalaya ki la bat ia 3 tylli ki kali ha Hill Road, Matchokpara, bad haka jingtalasi la lap ia ka jingdon jong ki nong Bangladesh kiba ioh rung shapoh ka Jylla lyngba ka jingïarap daki nong India.
Kane ka jingtreikam kaba jop ka pynpaw ïa ka bynta ba kongsan jong ki BSF ha kaba ïakhun pyrshah ïa ki kam runar sha shiliang pud bad ban pynpulom ïa ki jingpyrshang ban rung be-aiñ ki nong Bangladesh naki khappud ka Jylla.
