Shillong, Nailar 22: Ki shipai BSF kila ioh kem ia 2 ngut ki nongkhaii tuh ha ryngkat bad ka pynpulom ia ka jingthmu ban khaïï ia ki mar ki mata sha ka ri Bangladesh lyngba ki khappud ka East Khasi Hills District, Meghalaya.
Ha katei ka jingkhynra kaba la pynlong ha ka sngi Palei, arngut ki nongshong shnong ka ri kiba na Khanduli, East Jaintia Hills, kila shah kem bad la ioh kurup ia ki mar ki mata kiba shongdor T. 70,11,960 kiba la thep hapoh ka kali Mahindra Pickup ha ka thaiñ Pongtung bad ia kitei ki mar la thmu ban khaïï tuh sha ri Bangladesh.
Ki BSF kila aiti noh ia kine ki briew kiba la shah kem bad ia ki mar kiba la ioh kurup sha ka Customs Office Pynursla, East Khasi Hills, ba kan leh ia kaba donkam.
