Shillong, Rymphang 14 : Ki shipai BSF ryngkat bad ki CRPF bad ki pulit ka jylla ha ka sngi Palei kila pynlong ia ka jingkhynra ha Tura bad kila iohkem ia ki 8 ngut ki nong Bangladesh na Madan Chandmari, Tura.
Ki BSF ki iathuh ba hadien ba ioh pdiang ia ki jingtip kiba paka, da ka jingiatreilang bad ki CRPF bad Pulit ka Tura, kila bat ia kawei ka kali Innova kaba don ia u numbar AS 01 GC 7050 hajan ka madan Chandmari bad kila kem noh ia ki 8 ngut ki nong Bangladesh bad uwei u nong India uba niah ia katei ka kali.
Ki BSF kila pyntip ba kitei ki 8 ngut ki nong Bangladesh kiba shah kem ki kynthup ia u Sahan Sardar na ka shnong Purulia, Sakthira, Bangladesh, u Md Habibul Rahman 24 snem na ka shnong Ghona, Sakthira, Bangladesh, u Sahidul Islam 50 snem na Sehara, Sakthira, Bangladesh, u Md Milon 23 snem na Sekondra, Sakthira, Bangladesh, u Azgar Gazi 28 snem na Sreepur, Sakthira, Bangladesh, u Md Sohel 28 snem na Battarkatta, Sakthira, Bangladesh, u Almamun 28 snem na ka shnong Gina, Sakthira, Bangladesh bad u Md Tuhin 26 snem na Sekondra, Sakthira, Bangladesh.
Katba u nongniah kali uba la shah kem lang la tip kyrteng da u Abhijit Das 25 snem uba na ka shnong Bhattipari na ka jylla West Bengal.
