Shillong, Rymphang 16: Ka ophis jongu Deputy Commissioner (Excise), East Khasi Hills District kala bteng iaka jingkhynra kyiad be-aiñ ha kylleng ki jaka bad ioh ban kurup haduh 700 Litar tam ka kyiad pyrsi bad phareng bad kem ia ki 27 ngut kiba khaii kyiad be-aiñ.
Ka tnad Excise kala pynlong iaka jingkhynra ha kylleng ki jaka kiba don ha sor bad khapsor ba tehlakam iaka jingdie be-aiñ iaka kyiad pyrsi, beer, waiñ bad ka kyiad phareng ne IMFL ha ki jaka bam bad ki dukan.
La pyntip ba tang ha u Nohprah 2022, ki nongtrei ka tnad Excise ha ki 41 tylli ki jingkhynra kila ioh kurup 504.750 litar ka kyiad pyrsi bad 214.343 litar ka kyiad phareng bad la iohkem 27 ngut ki briew katkum ka Excise Act.
Kitei ki case ki dang don hapdeng ka jingshah tohkit bad hapdeng ka jingtian bishar.
