Shillong, Jylliew 22 : Ka kynhun Special Investigation Team (SIT) ki Pulit Meghalaya, kila kem sa arngut ki briew na Indore, Madhya Pradesh ban tohkit halor ka kam ba iadei bad ka jingshah pyniap u Raja Raghuvanshi ha Sohra.
U Superintendent of Police ka East Khasi Hills Bah Vivek Syiem ula pynthikna ia kane ka jingkem haba iathuh ba uwei na kine kiba shah kem u dei u briew uba aiwai ia ka flat sha u Vishal Singh Chauhan, uwei na kiba pyniap ia u Raja.
U iathuh ba kane ka flat ka dei kaba la pynsah ia ka Sonam Raghuvanshi hashuwa ba kan wan pyndem bad shah kem.
Uwei pat u dei u briew ia uba la suba jur ba u dei u nongap pahara (security guard) jong kane ka complex, ia kaba la antad ba u don shibun ki jingtip kiba kongsan halor kane ka jingjia ia u Raja Raghuvanshi.
Ka tyllong khubor ki Pulit ka iathuh ba une u briew ba aiwai ia ka flat u kyrteng u Silome James.
Kat kum ka video ba ioh ring da ka CCTV, la iohi ba u Silome James, ula sei ia ka pla jong ka Sonam na kane ka flat hadien ba ka shah kem ha ki Pulit. Ka jingkem ia u ka long eh ban tohkit ia ka jingjah rngai ki tiar ki tar ka Sonam na kane ka flat.
La khmih lynti ba ka SIT kan sa wan kit lang ia kine ki arngut sha Shillong mynta ka janmiet bad yn sa ialam tian bishar ia ki hakhmat u Nongbishar, ban pan jingbit bad ka por ban pynlong ia ka jingtohkit.
 ki Pulit Meghalaya, kila kem sa arngut ki briew na Indore, Madhya Pradesh ban tohkit halor ka kam ba iadei bad ka jingshah pyniap u Raja Raghuvanshi ha Sohra.){kind=link}