Nongstoin, Jymmang 27 : Ki nongshongshnong ka Langdongdai bad ka Mawlieh Bazaar Committee, kila ioh kem ia lai ngut ki nongdie bad nongkhaii kyiad pyrsi kiba dei na Assam hapoh ka Iew jong ka shnong Langdongdai.
Kat kum ka jingiathuh ki Nongkitkam Shnong ka Langdongdai, uwei na kine u dei u Withar Nachugre uba dei u sordar shnong ka shnong Pormawlein bad arngut pat ki dei ki bar jylla kiba wan die jingdie hapoh Iew Langdongdai.
Hadien ka jingtian bishar, ka Dorbar Shnong kala rai ban khang noh shisyndon ia ka jingwan ki bar jylla ban die jingdie ha ka Iewshnong nangne shakhmat.
