Nongpoh, K’lyngkot 08 : Ka Khasi Students’ Union (KSU) Umsning Circle ha ka sngi Balang, kala bat ban pynphai ia bun ngut ki bar jylla kiba wan rung khlem ki kot ki sla kiba biang sha jylla Meghalaya.
Halor ka jingtip ba thikna, ka KSU-Umsning hapoh ka jingialam u Organising Secretary Prosper Lyngdoh, kala pynlong ia ka jingtalasi kali ha Umsning bad ioh bat ia kine ki briew na kawei ka bolero pickup.
La kynnoh ba kine ki briew kila ioh rung tuh naka Infiltration Check Gate jong ki Pulit kaba don ha Byrnihat. Ka KSU kala ai jingsneng ia kine ki bar jylla hashuwa ba kan pynphai biang ia ki sha Assam.
