Nongstoin, Jymmang 11: Ka Hynniewtrep Youth Council-Nongstoin Circle, kala ioh kem ia 5 ngut ki nongkhaii bad nong duh droks na Iew Nongstoin, ha ka jingkhynra ban ratdyngkhong ia u droks napoh ka District.
Ia kane ka jingkhynra la pynlong hynne ka sngi Saitjain hapoh ka jingialam u General Secretary samla Iainehskhem Ryntathiang, u Vice President Golden Syiemlieh bad kiwei kiwei.
Na kine ki briew, ka seng kala ioh kurup ia ki thirnia injek droks bad ruh ia u droks.
Ka HYC kala pyntip noh sha ki Pulit ka Nongstoin Police Station halor kane ka jingiohkem bad hadien kila thang noh ia kine ki tiar ba kurup hakhmat ki Pulit.
Ia kine ki briew ba ioh kem la aiti noh sha ki Pulit ba kin leh ia kaba donkam kat kum ka ain.
