Shillong, Risaw 07 : Ka Central Bureau of Investigation (CBI) ha ka sngi Ba-ar, kala kem ia lai ngut ki nongtrei Post Office, kynthup u Assistant Branch Postmaster ha East Garo Hills District, namar ka jingkynnoh ba ki dawa pisa T.30,000 ba kin pyllait ia ka tulop jong uwei u nongtrei.
Ia kine ki nongtrei ka post office yn sa rah tian bishar sha ka Iingkashari ka CBI, ong ka CBI ha ka kyrwoh.
Ka jingtohkit halor kane ka case ka dang iaid ban pynthikna ia ka jingdonkti jong kiwei pat ki Nongtrei bad ban tip haduh katno kala iaid kane ka jingkynnoh bamsap.
Ia ka case la register ha ka 4 tarik Risaw halor ka jingujor jong uwei u nongtrei Gram Dak Sevak, uba shakri kum u Block Post Master ha Rongjeng Sub-Office.
Ula kynnoh ba ka Tnad Postal kala bat ia ka tulop jong u haduh 10 bnai bad ba kine ki nongtrei kila dawa pisa ba ia ryngkat bad ar bnai ka tulop ba kin lah pyllait noh ia ka tulop jong u.
Kine ki nongtrei kila mynjur ban pdiang ia ka T.30,000 ba pisa ba ki dawa, haba bthah ia une u nongmudui ba un siew ia ka pisa hadien ba ula iohpdiang ia ka tulop.
Haba shimkhia ia ka jingujpr, ka CBI kala pynap shrip bad ioh kem pyllein pyllein ia u Assistant Branch Post Master ka Williamnagar katba u dang pdiang ia ka pisa ba T. 30,000.
Hadien kane,ka CBI kala kem sa ia arngut kiba donkti lang, kiba kynthup ia u Sub Division Inspector na Williamnagar bad u Postman na Rongjeng Sub-Post Office, uba la kem na Shillong, Meghalaya bad Ambassa,Tripura.
Ka CBI kala kurup ia ki kot ki sla ba donkam na ka Ophis bad ki jaka sah jong kine ki laingut na Williamnagar bad Upanagar kaba don ha Tripura. Kila kurup ruh ia ka pisa ba T. 2.3 lak na ka Iingsah u postman na Upanagar, Tripura.
 ha ka sngi Ba-ar, kala kem ia lai ngut ki nongtrei Post Office, kynthup u Assistant Branch Postmaster ha East Garo Hills District, namar ka jingkynnoh ba ki dawa pisa T.30,000 ba kin pyllait ia ka tulop jong uwei u nongtrei,){kind=link}