Nongpoh, Jymmang 03 : Ki pulit ka Anti Narcotics Task Force (ANTF) ka Ri-Bhoi, hynnin ka miet sngi Ba-ar, kila ioh kem ia uwei u nongkhaii droks katba u dang wan kit ia u droks na Guwahati sha Shillong.
Ia une u briew la ioh kem ha ka por 10:45 baje mynmiet ha ka jingpynap shrip ha Byrnihat Outpost bad la iohkem ia u na kawei ka kali ML05-Q-2749. Une u briew u dei uba la tip kyrteng da u Promod Chettri ba na Nongmynsong, East Khasi Hills.
Ha ka jingtohkit, une u briew ula phla ba ula rah ia saw synduk sabon u drok heroin ba khia 47 gram, ban pynpoi sa Shillong.
Ia une u briew la register case ha Byrnihat OP hapoh ki kyndon jong ka ain NDPS Act. Ka jingtohkit mynta kala iaid shakhmat.
Pule kham bniah: Kyrshan borbah ka NeIPS ïa ki briew ba khlem kam khlem jam ha Nongstoiñ
