Shillong, Naiwieng 24 : Ki Pulit ka ANTF ha ka janmiet sngi U Blei, kila ioh kem ia uwei u suba nongkhaii droks, uba thmu ban pynpoi ia u droks sha uwei u nongdih ha Umpling, Lumdiengmet.
Une u suba nongkhaii droks u kyrteng u Pynshngain Kharkongor ba na Lumdiengmet, Umpling.
Ia u Pynshngain la ioh bat ha Lumdiengmet katba u dang don ha ka kali jong u ka Swift Dezire ML05-R-9778.
Ha ka jingtalasi ia ka kali, ki Pulit kila ioh kurup ia artylli ki synduk sabon kiba thep ia u heroin uba khia haduh 22.83 gram.
Ia une u briew la register case ha Rynjah Police Station hapoh ki kyndon ka NDPS Act. Ka jingtohkit mynta kala iaid shakhmat.
