Shillong, Naitung 31 : Ki Pulit ka ANTF ha ka sngi Balang, kila ioh kem ia uwei u nongkhaii droks bad ioh kurup ia u heroin ba khia 9.74 gram na ka kali ba u niah.
Une u briew u kyrteng u Wanphrangki Ranee ba 30 snem, uba dei na Pohskeh, Shillong.
Ia u Wanphrangki la ioh kem ha ka por 9 baje mynmiet katba u dang thmu ban leit aiti ia u droks ba thep ha kawei ka synduk sabon, sha ki nongdie da ka kali kaba don u nombor ML05-AE-0593.
Ia une u briew la kem noh bad la register case ia u hapoh ki kyndon ka NDPS Act. Ka jingtohkit mynta kala iaid shakhmat.
