Shillong, Jymmang 03 : Ka kynhun Anti Narcotics Task Force (ANTF) hynne ka sngi kila ioh ban kem ia ki shikurim kiba donkti ha ki kam khaii droks hangne ha Nongbah Shillong.
Ia kine ki shikurim la kem na ka iingsah kaba don ha Demthring bad kane ka jingiohkem kala wan hadien ka jingkhynra na ka jingphla jong u nongkhaii droks ba ioh kem na Firebrigade hynne hi ka step phyrngap.
Pule lang ia kane: Kem ka ANTF ia u Nongkhaii droks na Laitumkhrah
Na kine ki shi kurim, ki Pulit kila ioh ban kurup ia 10 synduk sabon u droks ba khia haduh 140.02 gram nalor ki kot ki sla kiba donkam.
Shuwa kane, ka ANTF kala leit ban khynra ia ka Iingsah uba shah kem mynstep kaba don ha Demthring bad kila ioh ban kurup sa 10.78 gram nalor ka 68.08 gram ba ioh kurup ha ka por ba u mut ban die sha u nongdih droks ha Firebrigade.
