Shillong, Nailur 26 : Ki Pulit ka Anti Narcotics Task Force (ANTF) ka East Khasi Hills, kila ioh ban kem ia kawei ka snar khaii droks kaba la 50 snem ka rta na Shillong bad ioh kurup ia u heroin uba la jan kot 10 gram.
Ia kane ka nongkhaii droks la kem ha ka jingkhynra ryngkat ki Pulit ka Lumdiengjri Police Station bad ka Jhalupara Outpost. Ia kane ka briew la kem na Jhalupara.
Kat kum ka jingiathuh u Superintendent of Police ka District, kane ka briew ka kyrteng ka Aisha Khatoon ba ju khot sin ka Pahari kaba sah ha Lower Paltan Bazaar.
Na kane ka briew la ioh ban kurup haduh 73 tylli ki klong rit ba thep droks uba khia haduh 9.72 gram, saw tylli ki mobile phone bad ka pisa kaba T. 27410.
Ia kane ka briew la register case ha Lumdiengjri Police Station hapoh ki kyndon ka ain NDPS. Ka jingtohkit mynta kala iaid shakhmat.
 ka East Khasi Hills, kila ioh ban kem ia kawei ka snar khaii droks kaba la 50 snem ka rta na Shillong bad ioh kurup ia u heroin uba la jan kot 10 gram.){kind=link}