Shillong, Jylliew 20 : Ki Pulit Anti Narcotics Task Force (ANTF) ka East Jaintia Hills, kila ioh ban kem ia hynriew ngut ki briew ryngkat bad u ganja ha East Jaintia Hills hynne ka sngi Ba-ar.
Kine kiba shah kem ki kyrteng u Joyel Das, Pronoy Mazo=umdar, Gaurav Gupta, Karnajit Sarkar, Sujit Sarkar, Tutal Sarkar bad Sanjit Sarkar. Kine baroh ki dei na South Tripura ong u Superintendent of Police ka EJH Jagpal Singh Dhanoa.
Ha ka jingtalasi kali, kawei ka kali Tata Tigor (TR-01-BT-0265) kala phet na ka jaka talasi kali ha Nongsning bad iaid sted bha hynrei ki Pulit kila ioh ban bat ia kane ka kali hajan Khliehriat Police Station bad la ioh ban bat ia 3 ngut ki briew.
Haba talasi ia ka kali, ki Pulit kila ioh kurup haduh 57 song u ganja ba khia haduh 251.30 kilo bad la pynthikna ia kane da ka jingleh test, ula iathuh.
U pyntip ba ha ka jingtohkit, kine ki briew kila phla ba u trai ka kali bad u ganja ha ryngkat bad lai ngut ki paralok kila wan da kawei pat ka kali ba don u nombor TR01-BW-0231 (Hunday i20) kaba lam sha ka jingiohkem ia kine ki briew ha Kongong, EJH bad la wanrah ia ki sha Khliehriat Police Station.
Ki Pulit kila register case ia kine ki briew ha Khliehriat Police Station bad ka jingtohkit mynta kala iaid shakhmat.
 kala phet na ka jaka talasi kali ha Nongsning bad iaid sted bha hynrei ki Pulit kila ioh ban bat ia kane ka kali hajan Khliehriat Police Station bad la ioh ban bat ia 3 ngut ki briew.){kind=link}