Shillong, Rymphang 29: Ki Pulit ka Anti Narcotics Task Force (ANTF) ka East Khasi Hills, kila ioh kem ia lai ngut ki suba nongkhaii droks ba kynthup ia 2 ngut ki kynthei na Police Bazaar.
Halor ka jingtohkit kaba paka bha, ki Pulit ANTF kila leit khynra ha PB bad ioh kem ia kine ki briew lem bad u droks heroin ba khia 63.46 gram.
Kine ki lai ngut ki kyrteng ka Esther Lalramdinmaw ba sah ha Demthring, Shillong, ka Lalthanpui Hmar ba sah ha Happy Valley, Block-F, Shillong bad u Rudy Wahlang ba sah ha Jaiaw Langsning, Shillong.
Na kine ki briew la ioh ban kurup ia 5 synduk sabon u heroin ba khia 63.46 gram, saw tylli ki mobile phone, ka pisa ba T.35,900 lem bad kawei ka scooty Aprilla.
Ki Pulit kila register case ia kine ki laingut ha Sadar Police Station hapoh ki kyndon jong ka NDPS Act, 1985.
Ka jingtohkit mynta ka dang iaid shakhmat ban lapdien shano ba thmu pynpoi ia une u drok bad nangno ba wanrah ia u.
 ka East Khasi Hills, kila ioh kem ia lai ngut ki suba nongkhaii droks ba kynthup ia 2 ngut ki kynthei na Police Bazaar.){kind=link}