Nongstoin, Nailar 20 : Ki Pulit ka Anti Narcotics Task Force (ANTF) ka West Khasi Hills, kila ioh kem ia 3 ngut ki suba nongkhaii droks na Iew Nongstoin bad ioh kurup ia 03 gram u heroin.
Ki Pulit kila pynlong ia ka jingkhynra ha Iew Nongstoin bad ioh kem ia kine ki briew kiba la tip kyrteng u Banraplang Sohlang, u Hubert Lamphrang Paliar bad uwei bala buhrieh kyrteng.
Ha ka jingtalasi ia kine ki briew, ki Pulit kila ioh kurup 2 gram na u Hubert bad 1 gram na u Banraplang.
Nalor une u drok, ki Pulit kila ioh ruh ban kurup ia kawei ka mobile phone bad ka pisa ba T. 5620. Ia kine ki briew la register case hapoh Nongstoin Police Station bad la pynngat ia ki hapoh ka NDPS Act. Ka jingtohkit mynta kala iaid shakhmat.
Dang ha kine ki khyndiat sngi, ka seng KSU-Nongstoin kala khang tala ia kawei ka Iing ha Iew Nongstoin halor ka jing suba ba ka dei ka ktem jong ki nongkhaii droks.
Pule lang ia kane: Assam : Pyniap u Kpa iala I Khun ba 11 sngi namar bym lah ban die haduh T. 4 lak
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
