Shillong, Naiwieng 04: Ki Pulit ka East Khasi Hills haka jingiatreilang bad ANTF haka 3 tarik Naiwieng, kila kem ia 2 ngut ki briew bad kurup 41.53 gms u drok heroine na Madanryting East Khasi Hills.
Ka kyrwoh na u Superintendent of Police (SP) East Khasi Hills ka iathuh ba hadien bala ioh jingtip, ki Pulit ANTF kila pynlong ka jingap shrip ha Madanryting bad kila bat iaka kali Alto 800 ba don number ML-11-2937 kaba wan na Khliehriat East Jaintia Hills.
Ha ka kali ki don 2 ngut ki briew kata u Aftab Uddin Barbhuiya bad Noor Amin Laskhar bad hadien ka jingtalasi la lap 41.53 gms u drok heroine.
La iathuh ba ia u drok la song bha ha saw tylli ki synduk sabon bad la buhrieh ha khrum seat bad hadien bala test, la pynthikna ba udei drok heroine.
Haba iadei bad kane, la kem ia baroh 2 ngut bad la register case ha Madanrting PS ban pynlong ka jingtohkit ba khambniah.
