spot_img

Kem ka ANTF ia 2 ngut ki nongkhaii droks na ka bos Night Super

Date:

Share post:

Shillong, Nailar 04 : Arngut ki nongkhaii droks kila shah kem lem bad 52.02 gram u heroin ha ka jing talasi kali bala leh lang hapdeng ka kynhun Anti Narcotics Task Force (ANTF) bad ki Pulit ka West Jaintia Hills District ha ka step sngi Nyngkong.

Kine ki arngut ki dei kiba la ithuh kum u Milton Chakraborty ba ju khot sin u Lucky bad u Kasimuddin.

Ia kane ka jingtalasi la leh halor ki khubor ba paka, kaba la ioh pdiang da ka ANTF ba ha ka miet 3 tarik Nailar, arngut ki briew ba suba kit droks kin wan da ka bos Night Super ka MTC na Silchar sha Shillong, ong u SP ka West Jaintia Hills Jagpal Singh Dhanao.

U iathuh ba ki Heh ka ANTF kila iatreilang mar mar bad ki Pulit ka Jowai bad kila pynieng ia ka jaka talasi kali ha Mihmyntdu Soomer.

U iathuh ba ha ka por 4 baje mynstep jong ka 4 tarik Nailar, ka ANTF kala ioh bat ia kane ka bos ba don u nombor ML03-0189 bad la pynlong ia ka jingtalasi kat kum ka kyndon 50 jong ka NDPS Act.

U iathuh ba ka kynhun kala ioh ban kurup ia artylli ki synduk sabon ba thep droks na ka met u Kasimuddin, kaba la buhrieh kawei ha pla platlun bad kawei ha ka patlun poh.

Nalor kane, la ioh ruh ban kurup ia lai tylli ki synduk sabon ba thep droks na ka patlun poh jong u Milton Chakraborty.

Ka ANTF kala kurup noh ia kine ki droks bad ia ki briew la register case ha Jowai Police Station hapoh ka kyndon 21(b)/29 jong ka NDPS Act. Ka jingtohkit mynta kala iaid shakhmat.

Share post:

spot_img
spot_img

Popular

More like this
Related

Dang wad ka SDRF ia u Ophisar ka Tnad Agriculture ba shah rong ha ka Wah Ganol

Shillong, Nailar 04: Ka kynhun State Disaster Response Force...

Lada ka Khasi-Jaintia kam kwah lynti rel, ka Ri-lum Garo kan dawa beit ; ong u Myntri

Shillong, Nailar 04 : U Nongialam ka National People’s...

Tam ki SDRF ia ka metiap u rangbah na wah Umshing

Shillong, Nailar 04 : Ka kynhun ki State Disaster...

Thoh ka Harijan Panchayat Committee ban pyllait iaka Them Metor na ka Parking Policy

Pynkynmaw ia ka jingiakynad pher Jaidbynriew bad ki Khasi...