Shillong, Jylliew 17 : Ki Pulit Anti Narcotics Task Force (ANTF) ka East Khasi Hills, hynne ka step phyrngap, kila ioh kem ia arngut ki kynthei nongkhaii droks na ka thain Madanrting bad ioh kurup ia bun bah u heroin.
Kine ki arngut ki kyrteng ka Tinkhonei Haokip ba 37 snem kaba dei na ka shnong New Keithelmanbi, Senapati, Manipur bad ka Mongkim Haokip ba 53 snem ba na shnong New Keithelmanbi, Senapati.
Kat kum ka jingpyntip u Superintendent of Police ka East Khasi Hills, ka ANTF kala pynlong ia ka jingtalasi kali hynne ka step hajan ka Madanrting Police Station bad kila ioh bat ia kawei ka kali Tourist kaba kit ia kine ki kynthei.
Ha ka jingtalasi, ka ANTF kala ioh kurup ia u droks uba khia haduh 454.32 gram.
Ia kine ki arngut la register case hapoh ka Madanrting Police Station bad la pynngat hapoh ka kyndon 21(c)/29 NDPS Act.
