Shillong, Naitung 26 : Haduh 10 tylli ki Integrated Village Cooperative Society (IVCS) na Tikrikilla, Dalu bad Dadenggre Block ha West Garo Hills, kila lah ban pynmih bad die haduh 19.725 metric ton u sohmarit ba bha, kaba pynioh kamai ia ki haduh T.1.24 klur.
Watla ka dor u sohmarit ha u snem 2023 ka long T.450 shi kilo, ki nongrep ha u snem 2025 kila lah ban pyniaid iew ha ka dor ba T.631 shi kilo-ka jingkiew ba kot haduh 40%. Ki Heh Sorkar kila pynpaw ba kane ka jingkiew ka dork a mur ka dei namar ka jingbha u sohmarit bad ka jingpynioh ia ka Iew ban die beit beit sha ki nongkhaii kaba la pynbeit da ki bor treikam ka Sorkar.
U mar, uba kot kumba 100 kg man ki nongrep, ula pynioh jingmyntoi iajan 200 ngut ki nongrep ba rit ba ria, kaba la pynlong ia ki ban ioh kamai kham bun bad nang ai mynsiem ban rep ia une u jingshoh ba hehdor.
Ia une u sohmarit ba bha yn khaii beit beit sha ka kompani Everest Masala ha Mumbai lyngba ka nongshalan Sundardas Rathansey Spice Private Limited, kaba pyniasoh ia ka iew hapdeng ki nongrep ka Ri-lum Garo bad ka kompani pynmih jingshoh ba pawnam ka Ri.
Kine ki 10 tylli ki Integrated Village Cooperative Society (IVCS) ki kynthup ia ka Pringprang, Migasal, Chichang, Jangrapara, Rengsinpara, Chengaldare, Chandisila, Thallang, Bugi, bad Kumonggrik.
Ia kane ka jingshalan la ot ribon da ka Thera Ch Marak, District Horticulture Officer, ka West Garo Hills napoh ka Nangreme IVCS Ltd, Tikrikila sha Mumbai.
Ki Nongialam jong ki IVCS kila pynpaw ia ka jingsngewnguh ia u Myntri Rangbah ka Jylla Conrad K Sangma, ia ka Tnad Horticulture, ka Meghalaya Basin Management Agency (MBMA), ka Tnad Cooperation bad ka MCAB Bank namar ka jingkyrshan ba kila ai.
 na Tikrikilla, Dalu bad Dadenggre Block ha West Garo Hills, kila lah ban pynmih bad die haduh 19.725 metric ton u sohmarit ba bha, kaba pynioh kamai ia ki haduh T.1.24 klur.){kind=link}