Shillong, Lber 01: U State Chief Information Commissioner (SCIC) ka jylla Meghalaya u Bah H Nongpluh u la kam ba ka jingpyntreikam ia ka Right to Information (RTI) hapoh ka Jylla ka long kaba iaid beit iaid ryntih namar ka jinglah treikam bha ki First Appellate Authority (FAA) bad ki Public Information Official (PIO).
Haba kren sha ki lad pathai khubor, u Bah Nongpluh u la pyntip ba ka Commission kam da ioh ki jingujor namar ia ki Case la pynkut noh tang hapoh ka kyrdan bad ka jingkhmih jong ki PIO bad FAA.
“Nga lah ban ong, ba ka jingpyntreikam iaka RTI hapoh Meghalaya ka long kaba iaid beit iaid ryntih. Nga lah ban ong ruh, ba ka Commission kam ju kham ioh ki jingujor haba iadei bad ka jingslem ka kaiphod namar ia kine ki Case la pyndep bad pynkut ha ki kyrdan jong ki PIO bad FAA” la ong u Bah Nongpluh.
Hashuwa kane u Bah Nongpluh, ula ai jingkren ruh ha ka jingialang lane ka National Meet on RTI Act kaba la pynlong ha Shillong bad ula ong, ba ki PIO bad FAA kidei kiwei kiba kongsan tam haba iadei bad ka jingpyntreikam ia ka RTI Act.
U Bah Nongpluh u la ong, ba ka RTI Act kadei ka jingkhyrkhu bala pynlong aiñ ha u snem 2005 namar lyngba kane ka aiñ, ki paidbah kin ioh lut iaki jubab lane jingtip wat na kito ki khep, ba shem jingeh ban ioh.
 ka jylla Meghalaya u Bah H Nongpluh u la kam ba ka jingpyntreikam ia ka Right to Information (RTI) hapoh ka Jylla ka long kaba iaid beit iaid ryntih namar ka jinglah treikam bha ki First Appellate Authority (FAA) bad ki Public Information Official (PIO).){kind=link}