Shillong, Risaw 23 : Ka jingkynthoh u MDC ka Voice of the People Party (VPP) bad Executive Member (EM) Bah Powell Sohkhlet hapoh ka Iingdorbar ka Council ha ka sngi Balang, kala pynsha-iong ia baroh hadien ba u kam ba ka ktien ‘Hindi’ ka dei ka National Language ka ri India.
U Bah Powell ula pynmih ia kane ka kyntien haba iada ia u para MDC ka BPP bad EM Bah Seiborlang Warbah, uba sot ia ki kyntien ba paw bha ka phlim Bollywood “Kuch Kuch Hota Hai” ba mut ba “don kaei re kaei sha lyndet” haba iadei bad ka jingsam ia ki notice ban siew khajna professional tax sha ki dukan die sha, dukan kwai dong bad kiwei kiwei.
U Bah Powell uba la trei kum u nongthoh khubor da ki phew snem, lehse u klet ba ka Ri India kam don satia ia ka National Language. Ka ktien Hindi ha ryngkat ka English ka dei kaba shu buh kum ka Official Language ha ka kyrdan jong ka Sorkar Pdeng.
Kane ka jingkynthoh kala pynkyndit ia baroh, haba kyrtiang dien ia ka jingphet jyndat jong ka VPP na ka Iingdorbar Thaw Ain ka Jylla ha u Lber 2023 ban pyrshah ia ka jingkren ktien Hindi u Lat ka Jylla Phagu Chauhan.
Ka VPP kala ieng skhem ba ka ktien English ka dei ka Official Language jong ka Iingdorbar bad ka ktien Hindi ka dei ka bym iasngewthuh lut da baroh ha Meghalaya.
 bad Executive Member (EM) Bah Powell Sohkhlet hapoh ka Iingdorbar ka Council ha ka sngi Balang, kala pynsha-iong ia baroh hadien ba u kam ba ka ktien ‘Hindi’ ka dei ka National Language ka ri India.){kind=link}