Shillong, Iaiong 14 : U Symbud Myntri Rangbah ba khmih ia ka Tnad Urban Affairs Bah Sniawbhalang Dhar ha ka sngi Nyngkong, ula pyntip ba ki kam ki jam kiba iaid bha ha ka jingpyntrei ia ki project bapher bapher jong ka Smart City.
Haba iakren bad ki nongthoh khubor, u Bah Sniawbha ula ong “Ngi dang bishar ia ki kam na ka por sha ka por. Baroh ki project kila iaid bha”.
Ula pyntip ba haduh 98 percent na ki jingpyntrei ia ka Polo Shopping Mall kila dep bad bynrap ba ka jingpyntrei ia ka parking lot ruh ka dang iaid shaid shaid.
“Kyrmen skhem ba lada ym dei ha u 2025 hapoh ki pdeng snem u 2026 kin sa dep lut” ong u Bah Sniawbhalang.
“Ngi dang ai ia ka phase 2.0 smart city project” ula bynrap.
