Shillong, Risaw 13: Ka Myntri ka tnat Law bad ka tnat ka koit ka khiah ka Kong Ampareen Lyngdoh hynne ka sngi Thohdieng, ka iai ban ba kam ju don satia kum kata ka Provisional Permanent Residential Certificate (PPRC).
“Katkum ka jingpynmih daka tnat Law ka sorkar jylla, kam ju don satia kata ka Provissional Permanent Residential Certificate (PPRC), ka Permanent Residential Certificate (PRC) kadei hi ka Permanent Residential Certificate (PRC)” ong ka Kong Ampareen.
Kane ka jingpynmih hukum ka tnat Law ka sorkar jylla kadei hadien baka tnat ka koit ka khiah kala weng noh iaka kyrteng jong u Ayush Kumar naka bhah sorkar ban leit pule MBBS 2023-24.
“Ngi la dep ban phah ktien sha ki Khlieh District ka Tnad bad sha ki Deputy Commissioner (DC) ba kin shim khia mar dor ha ka ban pynthikna/pynshisah ia baroh ki kot ki sla bala aiti da ki samla kiba aplai ban leit pule MBBS ne kiwei kiwei ki lain ka koit ka khiah, na ka bhah jong ka Sorkar Jylla” kala ong.
“Ngi la phah biang ia baroh ki kot ki sla shaki DC ba kin eksamin biang ha kaba la pynduh noh ia kawei ka seat jong uwei u samla ouke” kala bynrap.
