Shillong, Naitung 6: Ki Pulit kila lah ban pynithuh ia uwei na ki saw ngut ki briew ba shah mait khlieh bad pyniap dusmon ha lyndet ka iew ha Shnong Umpleng, East Jaintia Hills.
Une u briew u kyrteng u Ravi Rai (23) ba na Pastha Elam, Nepal. Ki pulit kin dang ban pynithuh ia ki lai ngut kiwei pat ki ba shah pyniap.
Ki pulit hadien ba ioh jingtip ia ka jingdon kine ki met bala teh lang shijaka, kila phah ia ka Crime Scene Unit na Shillong, Mobile forensic Crime Scene Unit, bad ki Magistrate ban hiar tohkit ia kane ka jingjia.
Hadien, ia ka met la pynkit noh sha Civil Hospital, Khliehriat ban leh post mortem.
Ka tnad Pulit kala thaw ia ka kynhun Special Investigation Team ban iarap ia u
Investigation Officer ban tohkit bha ia kane ka case.
