spot_img

Kalinga Super Cup : Liem ka Shillong Lajong da 2-1 kol ha ka North East United

Date:

Share post:

Shillong, Kyllalyngkot 15: Ka Shillong Lajong kala shah pynliem haka North-East United da 2-1 ha ka jingiakhun ha ka Kalinga Super Cup kaba la long hynne ka sngi Nyngkong ha Kalinga Stadium, Pitch 1, Bhubaneswar.

Ka Lajong kala ialehkai bha mar ia sdang ka jingiakhun bad haka minit kaba 17 kala ioh thep iaka kol lyngba u nongialehkai shakhmat na Brazil u Douglas Tardin bad haduh ban da kut ka kylla step ka Lajong kala tam das hi kol.

Ha ka kylla miet, ka North-East United kala ioh ban thep iaka kol kaba nyngkong haka minit kaba 60 lyngba u nongialehkai shakhmat uba na Spain u Nestor Albiach bad kam shym la shim por eiei ia u Nestor ban thep biang iaka kol ka baar lyngba ka penalty kick bad kane kala pynlong ia ka North-East ban tam da shi kol ia ka Lajong ha ka minit kaba 66 bad haduh ban da kut ka jingiakhun ka North-East United kala lah ban jop lyngba katei ka kol.

Ka Lajong mynta kan pynkhreh ban iakhun iaka jingialehkai kaba khatduh pyrshah ia ka Jamshedpur FC ha ka sngi Saitjaiñ ka 20 tarik u Kyllalyngkot ha ka por 2 baje nohphai sngi ha Kalinga Stadium, Bhubaneshwar.

Share post:

spot_img
spot_img

Popular

More like this
Related

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...

Maham ka SMB ia ki jaka khaii ban buh mar shabar ki dukan

Shillong, Jylliew 27: Ka Office Chief Executive Officer (CEO)...