Shillong, Rymphang 23 : U Symbud Myntri Rangbah ba khmih ia ka Tnad kam Pohing (Police) Bah Prestone Tynsong ha ka sngi Thohdieng, ula ong ba ka Tnad Pulit kan pynthikna ba ka jingkhie im jong ka Garo National Liberation Army (GNLA) kan ym jia da lei lei ruh ha Ri-lum Garo.
Kane kala mih hadien ba ka GNLA Re-group (GNLA-R) kala pynmih ia ka kyrwoh halor ka rai ban pynkhie im bad thaw kynhun namar ki ishu bapher bapher jong ka Ri-lum Garo.
“Ki bor Pulit kila trei khlem shongthait bad ngin pynthikna ba ka jingkhie im kan ym jia da lei lei ruh” ong u Bah Prestone haba iakren bad ki nongthoh khubor.
Ula ong ba ki Pulit kin dang ban tip la kane ka kywroh ka GNLA-R ka dei kaba shisha ne kaba lait. “Hynrei kaei kaba nga mut ban ong ia phi ba long ba baroh arphew sawkynta ha ka shisngi, ki Pulit ki long kiba la khreh ia kum kine kiei kiei”.
“Lehse dei ki katto katne ki briew lane ki khynnah kiba kwah ban im pahuh pahai da ka jingthaw kynhun. Ngi la peit pyrman bha bad ngim um thiah bad ngin pynthikna ba ka jingpynkhie im ia ka kynhun kan ym mih satia” ula ong.
Ula pyntip ba ka Tnad kala pynkhlain ia ka jinglum khubor syntiat bad ong “Sngewbha ieh ha ngi..ai ba ngan kular ha phi ba ka jingpynkhie pat kan ym jia bad ngin ym ailad satia ia kata”.
 Bah Prestone Tynsong ha ka sngi Thohdieng, ula ong ba ka Tnad Pulit kan pynthikna ba ka jingkhie im jong ka Garo National Liberation Army (GNLA) kan ym jia da lei lei ruh ha Ri-lum Garo.){kind=link}