Shillong, Dec 13: Ka Drug Reduction, Elimination & Action Mission (DREAM) Meghalaya, hapoh ka jingialam jong u Mission Director Bah F.G. Kharshiing, kala pynkhreh ban wanrah noh ia ka Vocational Training Program ha ki Rehabilitation Centre kiba don ha ka jylla.
Kane ka jingthmu ka long ban pynkup bor ia ki briew kiba iakhun ban lait na ki jingdih buaid ba kin don ia ka sap treikam ba kin ioh noh ia ka jingim ba ieng hala ki kjat bad ba don jingmut.
Ha ka sngi Thohdieng la pynlong ia ka jingiasyllok ha ka ophis jong ka tnad Social Welfare, Shillong bad kito kiba don bynta lang ha ka kam, kiba kynthup naduh ki nongmihkhmat na ki Rehabilitation Centre, ki tnad sorkar bad ki kynhun kiba ai iaka Vocational Training. K
a jingkren kala long halor ban ithuh ia ki katto katne ki bynta jong ka jingai jinghikai kiba iahap ban tei ia ka jingiatreilang bad ban pynthikna ban pynbiang ia ki jingdonkam jong ki briew kiba iakhun ban lait na ki jingdih buaid.
La khmih lynti ba ki jaka ai jinghikai kum ka Skills Development Society, Industrial Training Institutes (ITI), BITS, Don Bosco Technical School bad ka Ramakrishna Mission kin shim ia ka bynta kaba khraw ha kaba iadei bad kane ka sienjam.
Haba batai halor katei ka jingthmu, u Bha Kharshiing ula ong, “Kiba bun na kitei ki Training Centre kum ka ITI, Skills Development Project jong ka sorkar jylla, Don Bosco Technical School bad ka Ramakrishna Mission, kila ai lypa ia ka jinghikai kaba ym don kam ban siew eiei. Ngi lah pyrkhat, balei ba ngim iatreilang bad ki Rehab Centre ban sdang ia ka vocational training sha ki briew ba leit sumar, ha kaba kin ioh ia ka lad ban ioh jinghikai kaban kylla long ka lad ia ki hadien habud bad kane ka lah ban wanrah ia ka jingkylla ha ka jingim ka jongki”.
U Bah Kharshiing ula ban jur ia ka jingkylla kaba khraw lyngba katei ka sienjam da kaba ong, “Ka Vocational Training kan ai ia ka jingskhem jingmut bad ka jingshaniah halade ia ki samla kiba don hapoh ki Rehab Centre. Kan long kum ka jingkylla, ka jingai mynsiem ia ki bad ka jingai ia ka jingshlur ba kin ieng ha la ki jong ki kjat. Ka lah ruh ban pynshlur ia ki ban sdang ia ki kam khaii pateng ne ka jingtreikam kaba long shngain kaban pynlong ia ki kum ki briew kiba don iaka jingpynmih na ka bynta ialade bad ia ka imlang sahlang”.
 Meghalaya, hapoh ka jingialam jong u Mission Director Bah F.G. Kharshiing, kala pynkhreh ban wanrah noh ia ka Vocational Training Program ha ki Rehabilitation Centre kiba don ha ka jylla.){kind=link}