Shillong, Nohprah 9: U Myntri Rangbah ka Jylla u Conrad K Sangma ula pynpaw ba ka sorkar jylla kam don eiei ban ong, halor ka jingkhynra dang shen jong ka Enforcement Directorate (ED) ha rilum Garo bad ula ong ba kam dei ia ka sorkar ban kren eiei ne ban tuklar eiei ia katei ka kam.
“Kam don eiei ia ka sorkar ba kan kren halor katei, ka dei ka shnat treikam ne Agency kaba leh ia la ka kamram kaba laitluid. Kan long kaba bakla ia ka sorkar ban kren eiei ne ban tuklar ha kano kano ka lynti” ong u Conrad ha ka sngi Baar haba kylli halor ka jingkhynra ka ED.
Dang ha ka taiew bala lah, ka kynhun ED na Shillong, kila hiar khynra ia san tylli ki Iing kiba dei jong ki MDC bad contractor ba kynnoh donkti, hapoh ka kyndon Prevention of Money Laundering Act (PMLA), 2002 namar ka jingsuba ba ki pyndonkam bakla ia ka pisa ka GHADC.
Kine ki MDC bad contractor ki dei u Boston Ch Marak, Ismail Marak, Kubon Sangma bad Nikseng Sangma.
Haba pan shuh shuh ia ki jingtip, u Myntri Rangbah ula kyntait bad kren shai ba ka dei ia ka ED ban pynlong ia ka jingtohkit bad kam dei satia ia ka sorkar ban tuklar.
“Kane ka dei ia ka ED ban wad, ngi ngim shim la pynlong ia ka jingtohkit. Kan long kaba bakla na ka liang ka jong nga wat tang ban tuklar ne ban wad jingtip ia kaei kaba jia. Kadei ka shnad treikam kaba laitluid bad kan leh iala ka kamram”.
 ha rilum Garo bad ula ong ba kam dei ia ka sorkar ban kren eiei ne ban tuklar eiei ia katei ka kam.){kind=link}